கோப்பின் போர்மட்டை எளிதாக கண்டுபிடிப்பதற்கு

பொதுவாக விண்டோஸ் எக்ஸ்புளோரரில் கோப்புகளின் பட்டியலைக் காண்கையில், கோப்பின் முதல் பெயர் மட்டுமே காட்டப்படும்.

ஒரே பெயரில் வெவ்வேறு போர்மட்டில் கோப்பு இருப்பின், நமக்கு எது எந்த வகையான கோப்பு என்று தெரியாது.

எடுத்துக்காட்டாக, ஒரே பெயரில் வேர்ட், ஸிப், ஜேபெக் கோப்பு இருக்கலாம். இவை வரிசையாக இருந்தால் எந்த வகையான கோப்பு என்று உடனே தெரியாது.

எனவே கோப்பின் துணைப் பெயரும் காட்டப்பட்டால், நம் வேலை எளிதாகிவிடும்.

இதற்கு My Computer>Tools>Folder Options எனச் சென்று கிடைக்கும் விண்டோவில் View தேர்ந்தெடுக்கவும்.

இதில் Hide extensions for known file types என்று இருக்கும் வரியின் முன்னால் உள்ள டிக் அடையாளத்தை எடுத்துவிடவும்.

இனி கோப்பின் பெயர்கள் முழுமையாக அதன் எக்ஸ்டன்ஷன் பெயருடன் காட்டப்படும்.